Valentin Melnikov
Ni vivas malgraŭ ĉio

Поэзия. На языке эсперанто. — М.: Импэто, 2021. — 72 с.
ISBN 978-5-7161-0313-9
Valentin Melnikov (n. 1957) loĝas en Moskvo. Emerita inĝeniero-kemiisto, programisto. Multe partoprenis intelektajn ludojn: ĉampiono de Rusio (2006) kaj 3a premiito en la mondĉampionado (2003) pri “Kio? Kie? Kiam?”, plurfoje sukcesis en televida “Propra ludo”.
Esperantisto ekde 1982. Membro de Ĉefa Atesta kaj Lingva Komisiono de REU. Akademiano ekde 2019. Kunlaboras en kelkaj revuoj. Liaj librorecenzoj aperis en “Esperanto”, “Literatura Foiro”, “Beletra Almanako”, “La Ondo de Esperanto” k.a.
Tradukis faman versromanon de A.S. Puŝkin “Eŭgeno Onegin” (eld. Sezonoj, 2005, serio “Oriento-Okcidento” n-ro 40) kaj antologion “El la rusa poezio” (Sezonoj, 2020). Liaj originalaj poemoj, plurfoje premiitaj, aperis en kolekto “Moskvaro” (1998) kaj antologioj “Lena...” (1998), “Moskvaj sonoriloj” (2007), “Abritus” (2016), “Belarta rikolto 2016”, “Poezio el ĉiuj ĉieloj” (2017 kaj 2019).